മാരായമുട്ടം ബിവറേജസ് ഷോപ്പ് പൂട്ടാന്‍ തുടര്‍പ്രക്ഷോഭം....

പെരുങ്കടവിള: മാരായമുട്ടത്തെ ബിവറേജസ് ഷോപ്പ് പൂട്ടാന്‍ മാരായമുട്ടം മദ്യവിരുദ്ധ കര്‍മസമിതി തുടര്‍പ്രക്ഷോഭം നടത്തും. ഇതിന് വിവിധ സംഘടനകള്‍ പിന്തുണ അറിയിച്ചു.
മാരായമുട്ടം ഗവ. ഹയര്‍സെക്കന്‍ഡറി സ്‌കൂളിന് അര കിലോമീറ്ററിനടുത്താണ് ബിവറേജസ് ഷോപ്പുള്ളത്. ശ്രീനാരായണഗുരു നവോത്ഥാനത്തിന് തുടക്കം കുറിച്ച അരുവിപ്പുറവും ഇതിന് സമീപത്താണ്.

ഈ പ്രദേശത്ത് സര്‍ക്കാര്‍ ആരംഭിച്ച മദ്യഷോപ്പ് നിരവധി അക്രമത്തിനും കൂട്ടത്തല്ലിനും ഇടയാക്കുന്നതായി സംഘടനകള്‍ ആരോപിച്ചു.