വാഹനത്തിന് കേസ്സുണ്ടോ എന്നറിയാന്‍ വെബ്‌സൈറ്റ്‌.

തിരുവനന്തപുരം: വാഹനം സംബന്ധിച്ചുള്ള കേസുകള്‍ അറിയുന്നതിന് ജില്ലാകോടതി വെബ്‌സൈറ്റ് തുടങ്ങി. www.trivandrumditsrictcourt.gov.in എന്ന സൈറ്റിലാണ് വിവരങ്ങള്‍ ലഭ്യമാകുന്നത്. വാഹനത്തിന്റെ നമ്പര്‍ നല്‍കിയാല്‍ ജില്ലയിലെ കോടതികളില്‍ കേസ്സുണ്ടോ എന്നറിയാം. കേരള പോലീസിന്റെ ഇന്‍ഫര്‍മേഷന്‍ സര്‍വീസിന്റെ സഹകരണത്തോടെയാണ് വിവരങ്ങള്‍ അപ്ലോഡ് ചെയ്തിരിക്കുന്നത്. www.ecourt.gov.in/services എന്ന വെബ്‌സൈറ്റിലൂടെ കോടതികളിലെ കേസിന്റെ അതത് ദിവസത്തെ നടപടിക്രമങ്ങളും അറിയാം. അടുത്ത വിചാരണ തീയതി അടക്കമുള്ള വിവരങ്ങളും ലഭ്യമാണ്.
ഒരാഴ്ചയ്ക്കുള്ളില്‍ ജില്ലയിലെ മറ്റ് കോടതികളിലെ വിവരങ്ങളും സൈറ്റില്‍ ലഭ്യമാക്കും.