നിലവില്‍ 50 കുട്ടികളാണ് ഒരു ബാച്ചിലുള്ളത്. മുന്‍വര്‍ഷങ്ങളില്‍ കൂടുതല്‍ അപേക്ഷകരുള്ള സ്‌കൂളുകളില്‍ രണ്ട് പ്രാവശ്യമായി 20 ശതമാനം സീറ്റുകള്‍ സര്‍ക്കാര്‍ കൂട്ടി നല്‍കിയിരുന്നു. ഇപ്രാവശ്യം പുതിയ സ്‌കൂളും ബാച്ചും അനുവദിക്കാന്‍ സര്‍ക്കാര്‍ നയപരമായി തീരുമാനിച്ചതിനാല്‍ അധിക സീറ്റുകള്‍ നല്‍കിയില്ല. എന്നാല്‍ സര്‍ക്കാര്‍ നയത്തിന് വിരുദ്ധമായി കോടതിവിധി വന്നു. ഇതോടെ അന്തിമ തീരുമാനം നീളാന്‍ സാധ്യതയുണ്ടെന്നത് കണക്കിലെടുത്താണ് അധിക സീറ്റ് അനുവദിച്ചത്.
420 സ്‌കൂളുകള്‍ പുതുതായി അനുവദിക്കാനാണ് സര്‍ക്കാര്‍ ആലോചിച്ചത്. ഇതില്‍ ഹയര്‍ സെക്കന്‍ഡറിയില്ലാത്ത 148 പഞ്ചായത്തും തൃശ്ശൂര്‍ മുതല്‍ വടക്കോട്ടുള്ള ജില്ലകളില്‍ സ്‌കൂളുകളുമാണ് ഉള്‍പ്പെട്ടത്. എന്നാല്‍ സാമ്പത്തിക ബാധ്യത ഏറെയായതിനാല്‍ ഈ തീരുമാനത്തില്‍ നിന്ന് സര്‍ക്കാര്‍ പിന്നാക്കം പോയി. പകരം പുതിയ ബാച്ചുകള്‍ അനുവദിച്ചാല്‍ മതിയെന്ന് തീരുമാനിച്ചു. എന്നാല്‍ കോടതി ഇടപെട്ട് ആദ്യം സ്‌കൂളില്ലാത്ത പഞ്ചായത്തുകളില്‍ അവ അനുവദിക്കാനും തുടര്‍ന്ന് ബാച്ചുകള്‍ അനുവദിക്കാനും നിര്‍ദേശിക്കുകയായിരുന്നു.
No comments:
Post a Comment