ആരോഗ്യപരമായ കാരണങ്ങളാലാണ് നേരിട്ട് ഹാജരാവാന്‍ കഴിയാത്തതെന്ന് ശശികലയുടെ അഭിഭാഷകന്‍ കോടതിയില്‍ പറഞ്ഞു. ജൂണ്‍ ആറിന് ശശികല ദന്തശസ്ത്രക്രിയയ്ക്ക് വിധേയയായതിന്റെ സാക്ഷ്യപത്രവും അഭിഭാഷകന്‍ കോടതിയില്‍ ഹാജരാക്കി. കേസ് നീട്ടിവെക്കുന്നത് ആദായ നികുതി വകുപ്പിനുവേണ്ടി ഹാജരായ അഭിഭാഷകന്‍ എതിര്‍ത്തു.
1991-92, 92-93 വര്‍ഷങ്ങളില്‍ ആദായനികുതി സംബന്ധിച്ചുള്ള രേഖകള്‍ സമര്‍പ്പിച്ചില്ലെന്ന കുറ്റത്തിന് 1996-ലും 97-ലുമാണ് ജയലളിതയ്ക്കും ശശികലയ്ക്കുമെതിരെ ആദായനികുതി വകുപ്പ് കേസെടുത്തത്. 1961-ലെ ആദായനികുതി വകുപ്പ് നിയമപ്രകാരം ശിക്ഷയര്‍ഹിക്കുന്ന കുറ്റമാണിതെന്നാണ് ആദായനികുതി വകുപ്പിന്റെ നിലപാട്. ഈ കേസില്‍ നാലുമാസത്തിനുള്ളില്‍ വിചാരണ പൂര്‍ത്തിയാക്കണമെന്ന് ഇക്കഴിഞ്ഞ ജനവരിയില്‍ സുപ്രീംകോടതി ഉത്തരവിട്ടിരുന്നു.
No comments:
Post a Comment