ബോർഡിന്റെ നിറം അല്ല, വിദ്യാഭ്യാസത്തിന്റെ നിലവാരം ആണ് പ്രശ്നം. കാലങ്ങളായി ഉപയോഗിക്കുന്ന ബ്ളാക്ക് ബോർഡ് മാറ്റണം എങ്കിൽ അത് ആ രംഗത്തെ വിദഗ്‌ദ്ധരുമായി ആലോചിച്ച് ശാസ്ത്രീയ നിഗമനങ്ങളിൽ എത്തിയ ശേഷം വേണം. അല്ലാതെ ഒരു സുപ്രഭാതത്തിൽ നിറം മാറ്റം കൊണ്ടുവരാൻ ഉള്ള ശ്രമം ദുരുദ്ദേശ്യപരമാണ്. നിറങ്ങൾക്ക് ചിലപ്പോൾ പ്രത്യേക മാനങ്ങൾ ഉണ്ടാകുമെന്നും പിണറായി പറഞ്ഞു.
കച്ചവടവൽക്കരണവും നിലവാര തകർച്ചയും അരാജകത്വവുമാണ് ഇന്ന് വിദ്യാഭ്യാസ മേഖലയിൽ നടമാടുന്നത്. അതിനു നേതൃത്വം നൽകുന്നത് യു.ഡി.എഫ് സർക്കാരും വകുപ്പ് ഭരിക്കുന്ന മുസ്ലിംലീഗുമാണ്. എല്ലാ സ്കൂളിലും ടോയ്‌ലറ്റും അവശ്യം വേണ്ട മറ്റു സൗകര്യങ്ങളും ഒരുക്കാൻ തയാറാകാത്ത കഴിവുകേടിനെയും നിരുത്തരവാദിത്തത്തെയും പച്ച നിറം പൂശി മറച്ചു വയ്ക്കാൻ കഴിയില്ലെന്നും പിണറായി പറഞ്ഞു.
No comments:
Post a Comment