മാരായമുട്ടത്ത് ബൈക്ക് യാത്രികനെ പൊലീസ് മർദിച്ചു : നാട്ടുകാർ പ്രതിഷേധിച്ചു .

നെയ്യാറ്റിൻകര : പെരുങ്കടവിള മാരായമുട്ടത്ത്  ബൈക്ക് യാത്രികനായ  യുവാവിനെ  അകാരണമായി തടഞ്ഞു നിർത്തി എസ് .ഐ  മർദ്ദിച്ചതിൽ പ്രതിഷേധിച്ച് മാരയമുട്ടം  സർവീസ്  സഹകരണ ബാങ്ക് പ്രസിഡന്റ്‌  എം.എസ് .അനിലും  ബാങ്ക്  ഭരണസമിതി  അംഗങ്ങളും പോലീസ്  സ്റ്റേഷനു  മുന്നിൽ കുത്തിയിരുപ്പ് സത്യാഗ്രഹം നടത്തി . രണ്ടു  മണിക്കൂർ  നീണ്ട  നാടകീയ രംഗങ്ങൾക്ക്  ഒടുവിൽ  നെയ്യാറ്റിൻകര  ഡി.വൈ .എസ് .പി  യും  സംഘവും  സ്ഥലത്തെത്തി സമരക്കാരുമായി നടത്തിയ  ചർച്ചക്കൊടുവിൽ എസ് .ഐ സുഗതനെതിരെ  നല്കിയ പരാതി  സ്വീകരിക്കുകയും  നടപടി എടുക്കാമെന്ന്  വാക്കു നല്കുകയും ചെയ്തതോടെ  രാത്രി 10 മണിയോടുകൂടി  പ്രതിഷേധം അവസാനിപ്പിച്ചു . ഇന്നലെ രാത്രി  7.30 നു ജോലി കഴിഞ്ഞു വീട്ടിലേക്കു ബൈക്കിൽ  പോവുകയായിരുന്ന    മാരയമുട്ടം  സർവീസ്  സഹകരണ ബാങ്ക് ന്റെ  കീഴിലുള്ള  മാരയമുട്ടം  പെട്രോൾ പന്പിലെ  മാനേജർ  മണലുവിള  സ്വദേശി  ശ്രീകുമാർ  സഞ്ചരിച്ചിരുന്ന ബൈക്ക് എസ് .ഐ സുഗതൻ  തടഞ്ഞു നിർത്തുകയും  ലൈസൻസ്  , ആർ .സി  ബുക്കും പരിശോധിക്കുകയും ചെയ്തു . മഹിതഭൂമി  എന്ന മാഗസിനിൽ  എനിക്കെതിരെ  വാർത്ത എഴുതിയവൻ പ്രസിഡന്റ്‌ ആയ  ബാങ്കിന്റെ പെട്രോൾ  പന്പിലാണോ  നീ ജോലി ചെയ്യുന്നതെന്നു ചോദിച്ച   എസ് .ഐ അടുത്ത  ലക്കം  എഴുതാനൊരു  ഐറ്റം ഇരിക്കട്ടെ എന്ന് പറഞ്ഞാണ്  ശ്രീകുമാറിന്റെ അടിവയറ്റിൽ  ചവിട്ടുകയും ഇടിക്കുകയും ചെയ്ത ശേഷം ബൈക്ക്  കസ്റ്റടിയിൽ  എടുക്കുകയായിരുന്നു  എന്ന്  ശ്രീകുമാർ ഡി.വൈ .എസ് .പി ക്ക്  നല്കിയ പരാതിയിൽ പറയുന്നു