മതംമാറ്റത്തിന് ശ്രമം: നാല് സ്ത്രീകളെ പോലീസിലേല്പിച്ചു.

മംഗലാപുരം: മതംമാറ്റത്തിന് പ്രേരിപ്പിച്ചുവെന്നാരോപിച്ച് നാല് സ്ത്രീകളെ നാട്ടുകാര്‍ പിടികൂടി പോലീസിലേല്പിച്ചു. ഉപ്പിനങ്ങാടി പുലിത്താടിയിലാണ് സംഭവം. ഇവിടത്തെ ഒരു കുടുംബത്തെ മതംമാറ്റാന്‍ ശ്രമിച്ചുവെന്നാണ് നാട്ടുകാരുടെ ആരോപണം.
ഗോലിത്തോട്ടുവിലെ നാലുസ്ത്രീകളെയാണ് പോലീസ് കസ്റ്റഡിയിലെടുത്തത്. ഇവരെ പിന്നീട് വിട്ടയച്ചു. പുലിത്താടിയിലെ വീട്ടില്‍ ഇവര്‍ കയറിയ ഉടന്‍ നാട്ടുകാരില്‍ ചിലര്‍ വീടുവളഞ്ഞു. പിന്നീട് പോലീസിനെ വിളിച്ചു. സ്ത്രീകളില്‍നിന്ന് ചില ലഘുലേഖകള്‍ പിടിച്ചെടുത്തു.
ഈ മേഖലയിലെ പലവീടുകളിലും ഇവര്‍ കയറി മതപരിവര്‍ത്തനശ്രമം നടത്തുന്നതായി പഞ്ചായത്തംഗം സുരേഷ് അത്രാമജലു പരാതിപ്പെട്ടു.