ജിമ്മി ജോര്‍ജ്ജിന് ശേഷം ഇന്ത്യ കണ്ട ഏറ്റവും മികച്ച വോളിബോള്‍ താരം എന്ന വിശേഷണത്തിന് അര്‍ഹനായ ടോം ജോസഫിന് വോളിബോളില്‍ രാജ്യത്തിന് നല്‍കിയ സംഭാവനകള്‍ പരിഗണിച്ചാണ് അവാര്ഡ്. പത്ത് വര്‍ഷത്തിനൊടുവിലാണ് ടോം ജോസഫിന് അര്‍ജ്ജുന ലഭിക്കുന്നത്.
ആദ്യമായി വിദേശ ക്ലബിന് കളിച്ച ഇന്ത്യന്‍ വനിതാ താരമാണ് ബാസ്‌ക്കറ്റ് ബോള്‍ താരം ഗീതു അന്ന ജോസ്. കഴിഞ്ഞ കാല പ്രകടനങ്ങള്‍ കണക്കിലെടുത്താണ് ഗീതുവിന് അവാര്ഡ് നല്‍കാന്‍ കപില്‍ ദേവിന്റെ നേതൃത്വത്തിലുള്ള സമിതി തീരുമാനിച്ചത്. അത്‌ലറ്റിക്‌സില്‍ ഇന്ത്യക്ക് നല്‍കിയ സമഗ്ര സംഭാവനകള്‍ പരിഗണിച്ചാണ് ടിന്റു ലൂക്കയ്ക്ക് അവാര്‍ഡെന്നാണ് സൂചന. പതിനഞ്ച് പേരെയാണ് അര്‍ജ്ജുന അവാര്‍ഡിനായി പുരസ്‌ക്കാര സമിതി ശുപാര്‍ശ ചെയ്തിരിക്കുന്നതെന്ന് കപില്‍ ദേവ് പറഞ്ഞു.
No comments:
Post a Comment